Ерөнхий мэдээлэл

Багшийн ажил мэргэжлийн хүрээг тодорхой ойлгох үүднээс дараах хэлэлцүүлгийн асуултуудад хамт олноороо эсвэл өөрөө хариулт өгөх хэрэгтэй болно.

Хэлэлцүүлгийн асуултууд

Хичээлээ төлөвлөж, заах

• Та өөрийнхөө дадлага, туршлагаа хөгжүүлэхийг эрэлхийлэхийн оронд бусад сайн багш нарын талаарх бодит бус ойлголт, таамаглалаар өөрийгөө үнэлдэг юм биш биз?
• Та суралцагчдадаа өдөр бүр өсөж хөгжихөд нь тусалдаг гэж бодож байна уу? Хэрэв тийм биш бол хэн таныг дэмжиж, энэ зорилгод нь хүрэхэд тань бодитойгоор туслах вэ?

Багш-суралцагчийн сайн харилцаа үүсгэх, бэхжүүлэх

• Та суралцагчдадаа ямар мэдрэмж төрүүлдэг вэ? Танай анги халуун, дулаан, нөхөрсөг орчин мөн үү?
• Та суралцагчдадаа хэр их санаа тавьдаг вэ?

Суралцагч бүрийн амжилтыг үнэлэх, зөвөлгөө өгөх

• Та өөрийн үнэлгээ, зөвлөмжөө үр дүнтэй байдаг гэдэгт итгэлтэй байна уу? Таны үнэлгээ, зөвлөмжийн үйл ажиллагааны аль хэсэг нь хамгийн онцлог вэ?
• Та санал нийлэхгүй байгаа эсвэл ач холбогдол муутай бодлогыг зүгээр л дагаж байна уу?

 Хамт олны харилцаа, багаар ажиллах

• Та багш нарын өрөөнд кофе/үдийн хоол идэхээс илүүтэйгээр ангидаа үлдэхийг илүүд үздэг үү?
• Танай багш, удирдах ажилтнууд гээд хамт олон чинь хэр хамтын ажиллагаатай вэ, танд хэр тус дэмтэй байдаг вэ? эсвэл хамт олон хуваагдмал, үйл ажиллагаа доголдож байдаг уу?

Бодлогын болон удирдлагын түвшний шийдвэрүүдэд бүтээлч санал гаргаж, тусгуулах

• Сургуулийнхаа хичээл, сургалтын үйл ажиллагааг илүү мэргэжлийн болгох үүднээс та санал гаргаж, тэр нь үйл ажиллагаанд биеллээ олж байсан уу? Юугаараа шинэлэг, инновацлаг байсан бэ?
• Та бүх зүйлийг хэрхэн зохион байгуулж, төлөвлөх талаар багийнхаа хүрээнд саналаа хэлэх боломжтой гэж бодож байна уу? Бүтээлч санал оруулах боломж нээлттэй байна уу?

Ангиас гадуурх сургуулийн бусад арга хэмжээнүүдэд оролцох

• Та хамгийн сүүлд хэзээ сургуулиас гадуурх үйл ажиллагаа, аялал эсвэл олон нийтийн үйл ажиллагаанд оролцсон бэ? Тухайн үед ямар сэтгэгдэлтэй байсан бэ?
• Та юунд сэтгэл хөдөлдөг вэ? Та сургуулийнхаа суралцагчид эсвэл хамт олонтойгоо өөрийн хүсэл мөрөөдлөө хуваалцахыг зөв гэж боддог уу?

Жич: Дээрх асуудлуудыг багаар эсвэл хамт олноороо хэлэлцээрэй. Хэмжихийг хүсвэл 1-10 оноогоор үнэлээрэй. 1- хамгийн муу, 10 – хамгийн сайн. Дундажлаад хаана байгаагаа мэдэж аваарай. Үзүүлэлтийг өсгөх шаардлагатай бол мөн л багаар эсвэл хамт олноороо хэлэлцэн шийдвэрлээд яваарай.

Шинэ залуу багш нарын бодлоор,

• Сургуульд зааж сургасан зүйлс нь бодит амьдрал дээрх нөхцөл байдлаас өөр байна.
• Өдөр бүр тулгардаг асуудлуудыг туршлагатай багш нарын адилаар шийдээд, зохицуулаад явах шаардлага байна.
• Олон янзын ааш араншин, дадал хэвшил, мэдлэг чадвартай хүмүүстэй “зөв харилцах” хэрэгтэй болно.
• Хэн нэгнээс мэргэжлийн зөвөлгөө, чиглүүлэг авахыг маш их хүснэ.
• Өөрөө сайн болсон гэж бодсон арга зүй нь амжилтгүй болсноор урам хугарах, дахин оролдох урам зориг олох шаардлага байнга тулгарна.
• Багшид хэрэг болох мэргэжлийн ном, хэрэгсэл, цахим хуудсууд маш олон байдгийг ч мэддэггүй.

Залуу багшийн өсөх сэтгэлгээ: Бид сонсож чаддаг байх ёстой. Бид асуулт асууж чаддаг байх ёстой. Бид инээж хөөрч чаддаг байх ёстой. Бид гоё үзүүлбэр үзүүлж чаддаг байх ёстой. Бид суралцагчдынхаа бие, ухаан, сэтгэлийг хэрхэн хөгжүүлж бойжуулахаа мэддэг байх ёстой. Бид дэлхийдээ ирээдүйг нь бүтээж өгдөг...

Сургалтын зорилго нь шинэ багш нарт өдөр бүр тулгардаг асуудлууд, тэдгээрийг хэрхэн амжилттай даван туулах, ажилдаа дасаж дадан, мэргэжил карьертаа амжилт гаргахад чиглүүлэхэд оршино. Сургалтад хамрагдсанаар залуу багш юуны түрүүнд мэдэж байх, хийж хэрэгжүүлэх зүйлсийг мэдэж авна. Тухайлбал,

• Шинэ багшид ажилтайгаа танилцах явцад сургуулиар эзэмшүүлсэн мэдлэг чадвар, практик амьдралын зөрүүнээс үүсэн бий болдог олон олон асуулт, эргэлзээндээ хариулт авна.
• Ажилтайгаа танилцаад зогсохгүй цаашид өөрийгөө боловсрол мэдлэгийн хувьд, ажил мэргэжлийн хувьд, хувь хүний хувьд байнга хөгжүүлэн авч явж чадах арга замуудтай танилцаж, ажилдаа үр дүнтэй ашиглах чадвартай болно.
• Байгууллагынхаа удирдлага, хамт олон, эцэг эх, суралцагчидтай хэрхэн үр дүнтэй мэргэжлийн харилцаа холбоо тогтоох аргуудад суралцана.
• Хичээл сургалтаа оновчтой зөв төлөвлөх, үр дүнтэй зохион байгуулахын зэрэгцээ бусад зүйлсдээ цаг заваа зохистойгоор зохицуулах чадвар эзэмшинэ.
• Хичээл заах шинэлэг аргуудыг эзэмшинэ. Сургах зүй, дидактикийн практик үр дүнг дээшлүүлэх зөвөлгөө авна. Суралцагчдынхаа хувь хүний онцлог, авьяас, чадвар, хэрэгцээнд нь нийцсэн хичээл бүрэн зааж чадахуйц мэргэжлийн чиглүүлэг, зөвөлгөө, сургалтад хамрагдана.

Ерөнхий мэдээлэл

Ангид сурагчдад дээд зэргийн тухтай орчин бүрдүүлэх мөн хүүхэд нэг бүртэй эерэг харилцаа үүсгэх, сурагч бүрийн бие даан суралцах дадал хэвшлийг урамшуулах, бие даасан хувь хүн болгох, буруу хандлага, зан төлвийг засах стратегиудад суралцах, ангид гарсан буруу хандлага, зан төлвийг бууруулах зэрэг чадварыг эзэмшинэ.

Багшийн мэдвэл зохих зүйлс

1. Ангид үр дүнтэй, эерэг соёл бүрдүүлэх үр дүнтэй стратегиудад суралцах
2. Хүүхэд бүрийн бие хүний, соёл сэтгэлгээний, хэл ярианы онцлог, хэрэгцээг мэдэрдэг, хариу үзүүлдэг болох дадлыг хэвшүүлэх
3. Багшийн анхаарал халамж, зорилго тэмүүлэл, үүрэг хариуцлагаа мэдэх, өөртөө шингээх, хөгжүүлэх
4. Өөрийн давуу талаа мэдэх, Зан араншингийн чадамжуудад суралцах
5. Тохиромжтой үг яриа, үйлдэл, үйл ажиллагааг ашиглан суралцахуйг дэмжих, хүүхэд бүрийн оролцоог хангаж чаддаг болох
6. Ангидаа хүүхэд бүр өөрийгөө тухтайгаар мэдрэхэд нь туслах эерэг харилцаа үүсгэх, дэмжлэг үзүүлэх
7. Суралцагч бүрийг тухайн хичээлийн жилийн суралцахуйн зорилтуудыг бүрэн эзэмших талаар боломжийн зорилго тавьж, түүнд хүрэхэд нь тэдэнд туслах,
8. Боловсролын шилдэг туршлагуудыг мэдэж, ажилдаа тусгах,
9. Суралцагчдын амжилтыг дэмжих шинэлэг санал, санаачилга гарган бүтээлчээр хэрэгжүүлэх

1. Хичээл заах арга хэрэгслүүдээ сурагч бүрийн хүсэл сонирхолд нийцүүлэх, сурагч нэг бүрийг оролцуулах, сурагч нэг бүрд хүрч ажиллах зарим стратегитай танилцах, сурагчдын ахиц дэвшлийг үнэлэх, сурагчдаа шалгалт сорилтод өндөр үнэлгээ авахад бэлтгэх
2. Хичээл заах шинэлэг аргуудыг эзэмшинэ. Сургах зүй, дидактикийн практик үр дүнг дээшлүүлэх зөвлөгөө авна. Суралцагчдынхаа хувь хүний онлог, авьяас, чадвар, хэрэгцээнд нь нийцсэн хичээл амжилттай зохион байгуулж чадахуйц мэргэжлийн чиглүүлэг, зөвлөгөө, сургалтад хамрагдана. Суралцагч бүрийг тухайн хичээлийн жилийн суралцахуйн зорилтуудыг бүрэн шийдвэрлэхэд боломжийн зорилго тавьж, түүнд хүрэхэд нь тэдэнд туслах, Боловсролын шилдэг турглагыг мэдэж, тусгах, суралцагчдын амжилтыг дэмжих шинэлэг санал, санаачилга гарган бүтээлчээр хэрэгжүүлэх

Боловсролын шинэ хандлагатай танилцах, 21 дүгээр зуунд гарч буй өөрчлөлтүүдтэй танилцаж боловсролын ажилтан, багш нарт тулгарах асуудал, бэрхшээлийг амжилттайгаар даван туулах, шинэ зуун (21-р зуун)-ы чадамжуудтай танилцах, суралцагч бүрийг тухайн хичээлийн жилийн суралцахуйн зорилтуудыг бүрэн шийдвэрлэхэд боломжийн зорилго тавьж, түүнд хүрэхэд нь тэдэнд туслах, Боловсролын шилдэг турглагыг мэдэж, тусгах, суралцагчдын амжилтыг дэмжих шинэлэг санал, санаачилга гарган бүтээлчээр хэрэгжүүлэх

Бусадтай хамтран ажиллах, хичээл сургалтаа үр дүнтэй зохион байгуулах, өөрийнхөө мэргэжлийн болон хувь хүний чадвараа хөгжүүлэх зэрэг зорилгодоо хүрэхэд шаардлагатай ном, арга зүй, технологи, веб хуудас, зөвлөгөө мэдээллийг хаанаас олохоо мэддэг болсон байна. Суралцагч оюутнууддаа нээлттэй эхүүдийг танилцуулах, сургалтдаа хэрхэн үр дүнтэй ашиглах талаар зөвлөгөө өгөх, сургалтын чанарыг дээшлүүлэх